Habibi OTT release: सध्या जगभरातील कोणत्याही व्यक्तीबरोबर एक सेंकदात संपर्क साधला जाऊ शकतो. पण, एक असाही काळ होता जेव्हा पत्राद्वारे संपर्क साधला जात असे. आता ओटीटीवर ८० च्या दशकातील एक सिनेमा प्रदर्शित होणार आहे.
हबीबी असे या सिनेमाचे नाव आहे. मूळ हा सिनेमा तमिळ भाषेत प्रदर्शित झाला होता.आयएमडीबी(IMDb)ने या सिनेमाला ९.२ रेटिंग दिले आहे. सध्या या सिनेमाची मोठ्या प्रमाणात चर्चा सुरू आहे.
हबीबी या सिनेमाचे मीरा कथिरावन यांनी दिग्दर्शन केले आहे. या सिनेमात ईशा एम, कस्तुरी राजा, मालविका मनोज आणि धनश्री सुधाकरण, अरुलकुमार, अनुश्रेया राजन हे कलाकार प्रमुख भूमिकांत आहेत. हा सिनेमा याच वर्षी म्हणजे १२ जून २०२६ ला प्रदर्शित झाला होता. हा एक रोमँटिक आणि कौटुंबिक सिनेमा आहे.
हबीबी सिनेमा कोणत्या ओटीटीवर प्लॅटफॉर्मवर प्रदर्शित होणार?
हबीबी हा सिनेमा सोनी लिव्हवर या ओटीटी प्लॅटफॉर्मवर प्रदर्शित होणार आहे. २५ सप्टेंबर २०२६ ला हा सिनेमा प्रदर्शित होणार आहे. सिनेमा हिंदी भाषेतही डब केला आहे. या सिनेमात ८० च्या दशकातील प्रेम, परंपरा, दुरावा, कलेचा वारसा पाहायला मिळणार आहे.
‘हबीबी’ ही दक्षिण तमिळनाडूतील एका तमिळ मुस्लिम वस्तीमधील तरुण जोडप्याची कथा आहे. चुलत भावंडं एकमेकांच्या प्रेमात पडतात, त्यांना समाजाकडून कसा विरोध होतो, हे पाहायला मिळते.
हबीबी सिनेमा ओटीटीवर प्रदर्शित होण्याबद्दल दिग्दर्शिका मीरा कथिरवन काय म्हणाल्या?
मीरा कथिरवन म्हणाल्या, “हबीबी सिनेमा आता ओटीटीवर प्रदर्शित होणार आहे, याचा मला आनंद आहे. जेव्हा आम्ही सिनेमा बनवला, तेव्हा त्याचा हाच उद्देश होता की गोष्टी लोकांच्या आयुष्याशी जोडली गेली पाहिजे. सध्या प्रदर्शित होत असलेल्या सिनेमांनुसारच सिनेमा असावा, असं आम्हाला वाटत नव्हतं. प्रेक्षकही त्यांच्या त्यांच्या पद्धतीने पात्रांबरोबर जोडले गेले आहेत, ही गोष्ट मला खूप आवडली आहे. ही त्या गोष्टीचे सौंदर्य आहे, असे मला वाटते.”
आता ओटीटीवर या सिनेमाला प्रेक्षकांचा कसा प्रतिसाद मिळणार हे पाहणे महत्त्वाचे ठरणार आहे.
