ന്യൂഡൽഹി: ഉത്തർ പ്രദേശിലെ ജേവാറിൽ സ്ഥിതി ചെയ്യുന്ന നോയിഡ അന്താരാഷ്ട്ര വിമാനത്താവളം പുനർനാമകരണം ചെയ്ത് യോഗി ആദിത്യനാഥ് സർക്കാർ. വിമാനത്താവളത്തിന്റെ പേര് ‘നരേന്ദ്ര മോദി അന്താരാഷ്ട്ര വിമാനത്താവളം’ എന്നാണ് മാറ്റിയത്. പുനർനാമകരണത്തിനുള്ള നിർദേശം മന്ത്രിസഭ അംഗീകരിച്ചതായി മുഖ്യമന്ത്രി യോഗി ആദിത്യനാഥ് മാധ്യമങ്ങളോടു പറഞ്ഞു.
To advertise here,
ഉത്തർപ്രദേശിന് ജേവാറിൽ, അന്താരാഷ്ട്ര വിമാനത്താവളം സമ്മാനിച്ചതിന് പ്രധാനമന്ത്രി നരേന്ദ്ര മോദിയോട് സംസ്ഥാന മന്ത്രിസഭ നന്ദി രേഖപ്പെടുത്തുന്നതായും മുഖ്യമന്ത്രി പറഞ്ഞു. ‘വിമാനത്താവളത്തിന് ‘നരേന്ദ്ര മോദി അന്താരാഷ്ട്ര വിമാനത്താവളം’ എന്ന് പേരിടാനുള്ള നിർദേശത്തിന് മന്ത്രിസഭ അംഗീകാരം നൽകി. ഈ വിമാനത്താവളം ഉത്തർപ്രദേശിലെ ഏറ്റവും വലിയ വിമാനത്താവളമായും രാജ്യത്തെ പ്രധാന വ്യോമയാന കേന്ദ്രങ്ങളിലൊന്നായും ഉയർന്നുവരാൻ ഒരുങ്ങുകയാണ് അദ്ദേഹം പറഞ്ഞു.
ഇക്കൊല്ലം മാർച്ച് 28-ാം തീയതി പ്രധാനമന്ത്രി നരേന്ദ്ര മോദിയാണ് ജേവാറിലെ വിമാനത്താവളം ഉദ്ഘാടനം ചെയ്തത്. ജൂൺ പതിനഞ്ചാം തീയതി ലഖ്‌നൗവിൽനിന്നെത്തിയ ഇൻഡിഗോ വിമാനമാണ് ഈ വിമാനത്താവളത്തിൽ ആദ്യമായി ലാൻഡ് ചെയ്തത്. സ്വിസ് കമ്പനിയായ സൂറിച്ച് എയർപോർട്ട് ഇന്റർനാഷണൽ എജിയുടെ സബ്‌സീഡിയറിയായ യമുന ഇന്റർനാഷണൽ എയർപോർട്ട് പ്രൈവറ്റ് ലിമിറ്റഡും നോയിഡ ഇന്റർനാഷണൽ എയർപോർട്ട് ലിമിറ്റഡും ചേർന്നാണ് വിമാനത്താവളം നിർമിച്ചത്. 11,282 കോടിരൂപയാണ് നിർമാണച്ചെലവ്.
Content Highlights: UP cabinet approved renaming Noida International Airport to Narendra Modi International Airport, Airport located in Jewar was inaugurated by PM Modi on March 28, First flight landed on June 15 from Lucknow operated by IndiGo, Built in collaboration with Zurich Airport International AG with a cost of Rs 11,282 crore
Published: 09 Oct 2026, 03:02 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
