આઠમાં પગાર પંચ અંગે ચાલી રહેલી ચર્ચાઓ વચ્ચે, દેશભરના લાખો કેન્દ્રીય કર્મચારીઓની નજર તેમના ભવિષ્યના હાથમાં આવનારા પગાર પર છે. જોકે પગારમાં સુધારા અંગેની વાતચીત ઘણીવાર સૌથી નીચલા સ્તર એટલે કે ‘લેવલ 1’ થી શરૂ થતી હોય છે, તેમ છતાં ‘પે મેટ્રિક્સ લેવલ 5’ (ગ્રેડ પે 2800) પરના કર્મચારીઓ વહીવટી કામગીરીની સાચી કરોડરજ્જુ સમાન છે. ઓડિટર, સિનિયર ક્લાર્ક અને આસિસ્ટન્ટ જેવા મહત્વના હોદ્દાઓ સંભાળતા કર્મચારીઓ માટે મુખ્ય પ્રશ્ન એ છે કે નવા પગાર પંચ હેઠળ તેમના પગાર માળખામાં કેટલો ફેરફાર થશે.
ફિટમેન્ટ ફેક્ટર
લેવલ-5નો પગાર ગણતા પહેલા, ‘ફિટમેન્ટ ફેક્ટર’ શું છે તે સમજવું મહત્વપૂર્ણ છે. તે એક ગુણક છે જેનો ઉપયોગ તમારા વર્તમાન મૂળભૂત પગાર સાથે ગુણાકાર કરીને નવો મૂળભૂત પગાર નક્કી કરવા માટે થાય છે. તમારા પગારમાં થતા વધારા પાછળનું આ મુખ્ય કારણ છે.
7મું પગાર પંચઃ આ 2.57 છે
8મા પગાર પંચ અંગેના અનુમાન જોકે હજુ સુધી કોઈ સત્તાવાર જાહેરાત કરવામાં આવી નથી, તેમ છતાં અહેવાલોમાં 1.92, 2.08 અને 2.86 જેવા વિવિધ આંકડાઓની ચર્ચા થઈ રહી છે. અમે અમારી ગણતરીઓ 1.92ના સૌથી ઓછા અંદાજિત ફિટમેન્ટ ફેક્ટરના આધારે કરીશું.
નવુ બેઝિક પે
- તમારુ હાજર બેઝિક પે: 29,200 રુપિયા
- અનુમાનિત ફિટમેન્ટ ફેક્ટર: 1.92
- તમારી નવી સંશોધિત બેઝિક પે : 29,200 x 1.92 = 56,064 રુપિયા
- આ તમારી નવી સેલેરીનો આધાર હશે.
મોંઘવારી ભથ્થું (DA) શું હશે?
જ્યારે પણ નવું પગાર પંચ (Pay Commission) લાગુ કરવામાં આવે છે, ત્યારે મોંઘવારી ભથ્થું (DA) શૂન્ય પર ફરીથી સેટ કરવામાં આવે છે. આવું એટલા માટે થાય છે કારણ કે નવો મૂળ પગાર અગાઉના વર્ષોના મોંઘવારીને ધ્યાનમાં લઈને નક્કી કરવામાં આવે છે.
જો તમે 2800 ગ્રેડ પે કેટેગરીમાં આવતા હોય, તો આ ગણતરીઓને સમજવી અત્યંત મહત્વપૂર્ણ છે. ‘ફિટમેન્ટ ફેક્ટર’ લાગુ થયા પછી, તમારો વર્તમાન મૂળ પગાર એક નવા સ્તર પર પહોંચશે. આ ઉપરાંત આ સુધારેલા મૂળ પગારના આધારે તમારું ઘર ભાડા ભથ્થું (HRA), પરિવહન ભથ્થું (TPTA/TA) અને મોંઘવારી ભથ્થું (DA) પણ વધશે. આવો ‘8th CPC સેલેરી કેલક્યુલેટર’ નો ઉપયોગ કરીને લેવલ-5 ના કર્મચારીઓ માટે નવા મૂળ પગાર, ફિટમેન્ટ, ભથ્થાઓ (HRA અને TPTA) અને કુલ પગાર (net salary)ના ચોક્કસ આંકડા જાણીએ.
8માં પગાર પંચ હેઠળ તમારુ DA: 0 રુપિયા
હાઉસ રેન્ટ અલાઉન્સ (HRA)નુ નવુ કેલક્યુલેશન: HRA નો આધાર તમારી પોસ્ટિંગના શહેર (જેને X, Y અથવા Z કેટેગરીમાં વહેચવામાં આવ્યા છે) પર રહેલો છે. સાતમા પગાર પંચના નિયમો અનુસાર, જ્યારે મોંઘવારી ભથ્થા (DA) માં 50% નો વધારો થાય છે, ત્યારે HRA ના દરો અનુક્રમે 27%, 18% અને 9% થી વધીને 30%, 20% અને 10% થાય છે. અહીં, અમે એવું માની રહ્યા છીએ કે તમારી પોસ્ટિંગ ‘X’ કેટેગરીના શહેરમાં છે.
નવુ બેઝિક પે: 56,064 રુપિયા
- HRA દર (શહેર X): 30%
- તમારુ નવુ HRA: 56,064નો 30% = 16,819 રુપિયા
ટ્રાવેલ અલાઉન્સ (TA)
TA પણ શહેર અને પે-લેવલના આધારે નક્કી કરવામાં આવે છે. TPTA હેઠળ આવતા શહેરો માટે, લેવલ 3 અને તેથી ઉપરના સ્તર માટે તે ₹3,600 + DA છે. DA શૂન્ય હોવાથી, TAની રકમ નિશ્ચિત રહે છે.
- તમારુ TA: 3,600 રુપિયા
- કુલ ગ્રોસ પગાર- આવો, હવે આનો સરવાળો કરીએ.
નવુ બેઝિક પે: 56,064 રુપિયા
- DA: 0 રુપિયા
- HRA: 16,819 રુપિયા
- TA: 3,600 રુપિયા
- તમારો કુલ પગાર (Gross Salary): ₹76,483 પ્રતિ મહિને
હાથમાં આવતો પગાર (Take-home salary) કેટલો હશે?
- કુલ પગાર એ તમારા બેંક ખાતામાં જમા થતી રકમ નથી; તેમાંથી અમુક જરૂરી કપાત કરવામાં આવે છે.
- NPS યોગદાન: આ તમારા મૂળ પગારના 10% છે. (56,064 ના 10% = 5,606 રુપિયા)
- CGHS યોગદાન : આ તમારા પગારના સ્તરના આધારે નક્કી કરવામાં આવતી રકમ છે. (આશરે 250 રુપિયા)
આ પણ વાંચોઃ ₹10થી શરૂ થશે આઈસ્ક્રીમ! Relianceનો આઈસ્ક્રીમ માર્કેટમાં મોટો દાવ, જાણો શું છે ખાસ?
અંતિમ હાથમાં મળતો પગાર
- કુલ પગાર: 76,483 રુપિયા
- કુલ કપાત: 5,606 + 250 = 5,856 રુપિયા
- તમારો ચોખ્ખો પગાર: 76,483 – 5,856 = 70,627 રુપિયા પ્રતિ માસ
- 8મા પગાર પંચના અમલીકરણ બાદ, લેવલ-5ના કર્મચારીને અંદાજે 70,627 રુપિયાનો ચોખ્ખો માસિક પગાર મળી શકે છે.
